Microsoft indang foldable Surface Phone taruba küm sayatsü akok

Luchii/December 02 (Agencies): Microsoft indang smartphone rongnung, foldable ‘Surface Phone’ ya kanga dang yongyaa ataa arudar aser taoba ita nunger nung iba handset dak sendakba olulu tem tanü tashi jembia arudar.
Andromeda ta nüngja agütsüba ‘Surface Phone’ taruba küm Microsoft-i sayatsü imlar.
Journalist aser Thurrot.com tech blog, collaborator, Brad Sams-i züluba kaket tasen ka ‘Beneath a Surface’ nung ashiba agi, Microsoft indang foldable phone ya tawa sayaba Samsung indang foldable phone aser Huawei indang taruba foldable phone tem den kasa asütsü.
Brad-isa ashiba agi, Microsoft foldable phone ya taoba Windows phone ama Windows indang customized version ka ajanga run asütsü. ‘Andromeda’ device ya phone nungi tablet kati melena amhsitettsü.
Microsoft company-i küm ishika tejakdang nungi smartphone yanglua liasü. 2011 küm smartphone yanglutsü atema Nokia den Microsoft longjemba ajaki jangjaa lir. Item smartphone nung Microsoft indang Windows mobile version keta lir. Iba mapang alima nung phone company rongnung Nokia ya tulutiba liasü.
2011 küm smartphone yanglutsü atema Nokia den Microsoft longjemba ajaki jangjaa lir. Item smartphone nung Microsoft indang Windows mobile version keta lir. Iba mapang alima nung phone company rongnung Nokia ya tulutiba liasü.
Ajisüaka, shishilembak Nokia indang market shares tem atsüngzüka aluba aser Android phone tem jenjang temaba atuba ajanga Microsoft indang Windows Phone tem takok ngua meyoktet.
2013 küm Microsoft-i Nokia alizük aser smartphone tem yanglua liasü. Küm ishika sülen Nokia ya HMD Global company dang Microsoft-i ayok.

You must be logged in to post a comment Login