Mid day meal gari 26 sayaogo

Kohima nung Hombarnü School education & SCERT Minister, Yitachu-i mid day meal garitem sayatsüba angur. (June 27, 2016)

Kohima, June 27 (TYO) : Hombarnü Secretariat Plaza, Kohima nung School education & SCERT Minister, Yitachu-i Mid-Day Meal (MDM) gari 26 tashi sayatsü.
Tanü Yitachu-i Nagaland nung SDEO office 26 atema Tata Mobile gari 26 sayatsü.
“MDM garitem amshitsü tenzükba ajanga asen state nung tesem ajaklen mid day meal schemes takok ngua inyaktettsü,” ta tanü Yitachu-i ashi.
Paisa, ketdangsertem aser driver tem dang MDM schemes takok ngua inyaktettsüsa pei tajungtiba agi inyaktsü ayongzük.
Sentong nung mendenji F.P. Solo, Commissioner & Secretary for school education & SCERT liasü aser Wonthungo Tsopoe, Additional director (HoD)-i gari aser driver tem indang temzüng zünga metetdaktsü.