Mika Singh aser Shaggy na külemi chiyungtep

Mumbai, November 10, 2016 : Grammy award ngua alisang kentener Shaggy-i Bollywood playback kentener Mika Singh chiyungi jaoka liasü.
Jamaica nunger kentener arishi küm 48 tain, Shaggy-i chiyungtsü jaokba atema arishi küm 39 tain, Mika-i kanga pelaba Twitter ajanga metetdaktsü.
“Ni kanga sapuba kentener Shaggy den jangratema chiyungtepogo @DiRealShaggy …Adianu, nai chiyungdaktsüba atema kanga pelar…Tsüngremi moajang,” ta Mika-i parnok restaurant nung chiyungdang tangokba noksa ka lemsatepba nung zülua lir.
Shaggy tenüng chichibabo Orville Richard Burrell lir aser paia, ” India nunger den chiyungteper @mikasingh #videoShoot,” ta tweet asü.
Tena lokteper tang music video ka teyangludak lir, ta osang kar ajanga metetdaktsüogo.