Miley Cyrus aser Liam Hemsworth na aniasüngogo

January 22, 2016: Kentener Miley Cyrus aser Australia nunger Liam Hemsworth na aniasüngogo aser tena mapang tatsüka pilaa aliba sülen kobi melii kibong akümtsü akok, ta osang angazüker.

Tawa Miley Cyrus aser Liam Hemsworth na tanaben longjemogo aser kibong akümtsü akok. Tena küm pezü tashi medemba sülen tesentakatep pilaa liasü, ajisüaka tangbo tena arshi küm nung tain akumba aser shisa takaba küma, arishi tepiyong tenati akumli lemsateperner ta tena sasa ratetogo.

Tawa Cyrus indang Instagram noksa ka nung la temeyong nung ‘diamond ring’ tulu ka inoka nguogo. Iba kuriji (ring) 2012 küm la mezüng aniasüngba mapang inokba kuri südi ta bilemer.

Osang ajanga angazükba agi, taküm küm tetenzüklen Australia’s Falls Festival nung lai Hemsworth dak tebang mesepa angu aser tesülen iba sentong ayongertemia tena iba sentong nung külem adenba jangjashitsüogo. Iba den külemi la Liam’er adianu Chris Hemsworth kinüngtsü aser model Elsa Pataky den külemi Küm Tasen benjung amungba osang jangjaogo.