Miley Cyrus-i Ellen DeGeneres melen Talk Show ketdang asü

September 29, 2016: Bodhbarnü The Ellen DeGeneres Show ketdang mesütettsüsa Ellen Degeneres kanga shirangba agi kentener, Miley Cyrus-i iba talk show ketdangsüogo.

Twitter ajanga iba show ketdangsür tasen sangdonga DeGeneres-i, “Osang tamajungji, ni shiranger aser tanübo kü show record mesütettsü. Osang tajungji @MileyCyrus-i kü melen ketdangsütsü. Kanga pelar, Miley!” ta lemsatep.

Iba show ajungkettsütsü atema Miley Cyrus-i Ellen-i la nem kulikaket agütsüba audience dang sayu.

‘Wrecking Ball’ ken atenla Cyrus-i, “Nenok ajak Ellen reprangi aru ta ni meteta lir, anungji nenok peladaktsütsü atema ni tajungtiba agi inyaktsü,” ta ashi.

“Ni la ama sobuogo, ni la ama menemer, ni yangi marudang ni tetsür ka dak tebang mesepogo, anungji kanga pelar,” ta ashi.

“Nenok mesenshiba atema pelar. Ni tera nüma metangteter, kechiyong ni kodanga süoshi semer show ketdang mesüdang, anungji iba ya balaka,” ta laisa ashi.

Cyrus-i mapang mapang shia television show nung shilem agir aser NBC nung The Voice nunga tetendanger ama shilem agir iba den külemi Woody Allen indang Amazon series, Crisis in Six Scenes nunga  tongti shilem agidar.