Miley Cyrus-i ‘Freeheld’ film atema ken tasen ka atentsü

September 15, 2015: Nüngtugu kentener Miley Cyrus-i “Freeheld” film atema ken tasen ka tentsütsü.

Sangdong ka ajanga LGBT temeten atema inyaker Cyrus-i, iba film atema lai ken ka tentsütsü ta metetdaktsüogo. Iba film nung Julianne Moore aser Ellen Page nati tongti shilem agitsü, ta Ace Showbiz osang ajanga metetdaktsü.

Arishi küm 22 Cyrus-i Instagram nung actress ana indang noksa ka maloktsü aser iba film nung lai atentsü aliba kenji Linda Perry-i züluba ken lir, ta ashi.

“@freeheldmovie nung shilem agitsü atema nüma atanger. @jesusonmars-i züluba kensü ka atentsü,” ta lai ashi.

Iba film otsü nung Laurel dak tepokpok cancer putetba sülen Laurel Hester aser Stacie Andree nati pension tajangzük atema rarateper.