Miley Cyrus-i la kensep nungi mezüng ken ‘Malibu’ sayaogo

May 12, 2017: Miley Cyrus indang studio kensep trokbuba nungi mezüngbuba ken, ‘Malibu’ sayaogo, aser kobi melii kensep rangben sayatsü.
Iba ken video ji Miley aser Diane Martel nati direct asü.
Iba ken tekong ka nungbo, ‘Sometimes I feel like I’m drowning/ And you’re there to save me/ And I wanna thank you with all of my heart’ ta lai tena lir.
Oren Yoel-i produce asüba ken ya yashi (May 11, 2017) RCA Records ajanga sayaogo. Tamalen Miley-i, la ‘The Voice’ nung adentsü atema gari nung aodang lai iba ken zülu, ta sangdonga liasü.
2015 küm lai ‘Miley Cyrus & Her Dead Petz’ kensep sayaa liasü, aser iba kensepji online streaming aser la meyong label Smiley Miley Inc.. ajanga digital download süteta liasü.
La indang tesütiba commercial kensepjibo 2013 küm ‘Bangerz’ lir, aser iba kensep nung ‘Wrecking Ball’ aser ‘We Can’t Stop’ ken densema liasü.
Miley-i ‘Malibu’ ken ya asüng (May 13, 2017) Carson, California, Stub Hub Center nung KIIS FM’er Wango Tango sentong nung atentsü.
Iba sentong nungsa Katy Perry, Maroon 5, Niall Horan, Backstreet Boys aser Miley teno, Noah Cyrus nungeria shilem agitsü.
Iba ken ya May 21, 2017 nü Billboard Music Awards nung mezüng television ajanga sayutsü.
Maneni lai May 26 nü NBC’s Today Show’s Summer Concert Series nung aser June ita nung iHeart Media indang iHeartSummer ’17 Weekend, Miami Beach nunga iba ken atentsü.