Miley Cyrus ya kangasa junger:Nick Jonas

Los Angeles, April 1, 2016 : Kentener Nick Jonas-i tesüiba mapang pa temshir, Miley Cyrus dak jakla yimya tajung keta lir, ta ashi.
Tesüiba mapang ‘Jonas Brothers’ telok nung züngsem Nick-i, Reddit AMA (Ask Me Anything) sentong nung “Wrecking ball” ken atenla atema koma bilemer item ajakji lemsatepogo, ta aceshowbiz.com ajanga metetdaktsü.
Jonas dang Cyrus atema pai taoba mapang aser tang tensa tebilemba asüngdanga liasü.
“Miley küna 2006 küm medemba sürbo o mejembi joko mapa tatsüka aoer, ajisüaka laji kangasa junger. La dak jakla yimya tajung keta lir. Lai inyaktetbatem ngur nüburtemia tatishitsü agitsüla,” ta Jonas-i langzü.
Cyrus-i shilem agiba Woody Allen-i yangluba film ji nia reprangtsübasa. Ni Woody Allen kanga sapur anungji ni la tena mapaji reprangtsü kanga jangrar, ta pai shisem.
AMA sentong nung Jonas-i takok aser tamakok ajuruba den Disney nung shilem agiba otsütem lemsatepa liasü.