Milind Soman ‘The Great India Run’ nung km 570 asemtsü

New Delhi, June 28, 2016 : Linük nung asemtepbaji saisapong rongnung ka ta ajungkettsütsü atema actor aser celebrity runner Milind Soman-i July 17 nungi August 6, 2016 tashi akatsü aliba sentong ‘The Great India Run’ nung shilem agitsü.
‘Ironman’ Soman-i July 27, 2016 nü nungi tenzüka Silvassa ajanga Ahmedabad nungi Mumbai tonga kilometre 570 asemtsü.
India nungi Ultra Marathon asemer tajungtiba nisung 15 den alima balala nungi iba state trok ayimjema asemtepba nung shilem agitsü. Iba asemtepba mapang Uttar Pradesh, Haryana, Rajasthan, Gujarat, Mahrashtra aser Delhi yimtitem amshitsü aser iba mapang parnok ajak senteper kilometre 1480 asemtsü.
Arishi küm 50 tain, Soman-i pa Dadra aser Nagar Haveli yimtiba Silvassa ajanga asemtsü maongka anguba atema pelar, ta ashi.
“The Great India Run mapang Silvassa-a amshir ta angashia kanga pelar. Iba tobur tajung tesem ajanga asemdang tejangraba balaka arutsü aser ni yangji asemtsü kanga jangrar,” ta Soman-i ashi.
ProSportify & MobieFit-i ‘The Great India Run’ sentong ya küm shia ayonga akatsü bilemdar aser iba sentong nung aruba tenlatem saisapong tsütsü terelok atema tenla agütsütsü tebilemba lir.