Military Modernisation atema India-i $130 Billion indoktsü

New Delhi, Rongjui/September 10 (Agencies): Tesem balala nungi India amokmerenba mapang ka nung sorkari taruba küm pongu nung tenet tsüngda armed forces raraba tsütsü jenjang ajungkettsü atema USD billion 130 indoktsü sentong yangludar, ta official document ka ajanga metetdaktsü.
Official source tem ajanga ashiba agi, sorkari Army, Navy aser Air Force modernization takaratiba nung südaktsütsü asoshi sentong yanglutsü telemtetba agiogo kong prangbong injang, missile, fighter jet, submarine aser rara dang amshiba rong tem küm ishika tsüngda alidentsü.
Kasa osangtem ajangsa sorkari Indian Army atema infantry combat vehicles 2,600, future ready combat vehicles 1,700 aser IAF atema 110 multirole fighter aircraft alizüktsü sentong lir.
“Sorkari taruba küm 5-7 tsüngda armed forces ajak fleet modernization nung USD billion 130 indoktsü,” ta official document nung shia aliba angutsü.
Armed force temi northern aser western arrtsü nung rara adoktsü ana nung aliba atema renemshia alitsü asoshi fund peria agütsütsü atema nongshia arudar.
Source ajangasa, China-i air aser naval tashi ajungketba sorkari jangjaa lir ta ashiba den iba sentong nükjidongji Indian Air Force aser Indian Navy tangar den liromedema ajungkettsü asoshi lir.
Navy jenjang ajungkettsü atema parnoki rong 200, aircraft 500 aser attack submarine 24 küm 3-4 tsüngda bendenloktsü asoshi sentong yangluogo. Tang navy ket nung rong 132, aircraft 220 aser submarine 15 lir.
Source ajangsa, sorkari IAF ajungkettsü asoshi sentong lir aser iba atema sentong ka yangluogo, ta metetdaktsü.
Sorkari-isa mega defence project ka inyakdar kong Delhi aser Mumbai densema tongtibang yimti ajak nung airspace yanglutsü sentong lir.
Maneni sorkari intercontinental ballistic missile system – Agni V mezüngbuba batch amenoktsü aser iba ajanga linük air defence system tali ajungkettsü.
Iba missile yagi km 5000 tashi oteter aser nuclear warhead dena benteter. US, China, Russia, France aser North Korea densema linük ishika ket nungdang intercontinental ballistic missiles lir.
India ket nung tang Agni-1 (700 km range), Agni-2 (2,000-km range), Agni-3 (2,500 km) aser Agni-4 (3,500-km range) lir.
Source ajangsa, sorkari domestic defence industry ajungkettsü atema rangloker inyaktsü aser onük tongtibangtem taruba ita ka ana tsüngda sangdongtsü imlar.