Millionaire NRI Robin Raina ki malir nem ki 6,000 sütsütsü sentong lir

London, October 30 (Agencies): 2010 küm Commonwealth Games akatsü asoshi renemshidang India nung slum aika bentoktsüa yangji aliba nisungtem talidak maka akümba ngua, India nunger bendanglen alir millionaire Robin Raina kanga temulung raksaa liasü.

Robin Raina-i tang billion dollar alang America software company ka kanga takok ngua amshidar aser tawa ano London Stock Exchange nung multi-million dollar inyakyim ka ngutetogo. Pai Delhi nung ‘Bawana refugees’ atema ki sütsütsü mulungtetogo.

Pai TOI nungi Kounteya Sinha den interview ka agiba mapang ashiba agi, refugee tem asoshi Red Fort tesülen ki 1732 sütsüogo aser ano Delhi o Noida na nung ki malirtem asoshi ki 6,000 sütsütsü tebilemba lir aser sen million dollar 20 tashibo ki malirtem nem ‘rehabilitation’ sentong agütsüba nung amshitsü.

Pai ki sütsüba dang masü saka sensakertem azüngtsü asoshi school-a kar sütsüogo.