Mining Ministers 2 buba National Meet nung Dr. Imtiwapang Aier aden

Dimapur, May 27 (TYO) : Hokolbarnü Geology & Mining Parliamentary Secretary, Dr. Imtiwapang Aier-i Jaipur nung Mining Ministers pur 2 buba National Meet nung aden.
Iba sentong ya Ministry of Mines Government of India ajanga ayongzük.
Senden nung Imtiwapang Aier-i o jembidang, “Nagaland nung mining sector ji ano tang tetenzüklen ang lir aser tangar memenep. Iba maparen takok ngua inyaka aotsü atema state sorkari kanga merangdar” ta ashi.
Nagaland state sorkar kübok mining department ji senotsü maliba ajanga mapa meinyakteter. Anungji Nagaland Minor Minerals Concession Rules 2005 mapa küma inyaktsü aser Nagaland nung mining vocational training centre ka lapoktsü nüngdak, ta Geology & Mining Parliamentary Secretary-isa metetdaktsü.
Iba senden nung mendenji AK Mallik, Secretary, Ministry of Mines, Government of India liasü aser Union Minister of Steel & Mines, Narendra Singh Tomar-i okila jembi. Anogo ka senden nung state mining minister tem den mining dak sendakba tongti ketdangsertem aden.
Nagaland nungia Dr.Imtiwapang Aier-i anir Imjung M Panger, Secretary, Geology & Mining, Koratemjen Ao, OSD Geology & Mining aser Er. R.Nakhro, mining engineer nungertem aden.