Minister CL John-i 2 buba Regional SARAS Fair 2015 semdang

Hombarnü Urban Haat, Dimapur nung Rural Development Minister, CL John-i 2 buba Regional SARAS Fair 2015 stall tem sema senzüba noksa nung angur. Iba sentong ya Rural Development, Nagaland aser Ministry of Rural Development, Govt of India kübok Nagaland State Rural Livelihhods Mission (NSRLM)-i ayongzüker aser tanü tongti tesemdanger C L John-i lapoktsü. Pa meina DUDA, Advisor N. Thongwang aser MLA Tovihoto Ayemi na den department nung tongti ketdangsertem aru. Ministry of Rural Development (MoRD)-i rural products aser Swarogaris (Self Help Groups) ajungkettsü atema SARAS ya apiteta tenzük.
2 buba Regional SARAS Fair 2015 nung Nagaland kübok district 11 nungi shilem agirtem den Mizoram aser Kerala nungia SHGs trok arua lir. (Dimapur, November 9)