Minister-i Tsilise Sangtam asüba mangyimer

Kohima, August 07 (TYO): Cooperation, MARCOFED, Relief & Rehabilitation Minister, Imtilemba Sangtam-i United Sangtam Region, NSCN nung Steering Committee züngsem, Tsilise Sangtam August 5, 2017 nü asüba mangyim osang lemsatep.
Imtilemba-i, “Asür, Tsilise Sangtam ya Naga linük tenzüker tajung ka liasü, aser pa asüba ajanga Sangtam nunger dang masü saka Naga nunger ajak atema tapok ka paaogo, aser ibaji atsüngtettsü asaktsü,” ta metetdaktsü.
Minister-isa, mangyimer kibong den mangyim jashi lemsateper aser Tsüngremi parnok nem tesünep agüjang ta sarasademtsür, ta metetdaktsü.