Minister KG Kenye-i senden ayonger

Dimapur, Luroi/August 29 (TYO): September 2 nü nungi tenzüka terpezübuba Nagaland Legislative Assembly Session 7buba amentsü aliba dak sendakba nung Minister for Power and Parliamentary Affairs, KG Kenye-i terpezübuba Nagaland Legislative Assembly atema Legislators 60 prongla senden ka September 1 nü 11 ako nungi tenzüka State Banquet Hall, Kohima nung amentsü ayongzükogo.

Anungji iba senden nung Legislators ajak tamakok maludaktsüi arua shilem agitsü mepeshia metetdaktsüogo.

Kasa mapang nung Minister for Power and Parliamentary Affairs, KG Kenye-isa, September 1 nü 10 ako nungi tenzüka State Banquet Hall, Kohima nung NDPP Legislature Party senden ka amentsü ayongzükogo. Iba dak sendakba nung NDPP Legislature Party züngsem ajak dang senden nung arua shilem agitsü mepeshia metetdaktsüogo.