Minister Kronu-i Pfutsero nung senden ka ayonga amen

Dimapur, Monupii/May 21 (TYO): COVID-19 mechi state tesem ajungalen shibanga aliba aser anendaka aliba Naga nunger state danga nungi Pfutsero sub division-i arutsü aliba dak sendakba nung Minister, Planning and Coordination and Land Revenue, Neiba Kronu-i village council, arogo tenzüker aser lokti tentet balala lenirtem den May 20, 2020 nü Government Higher Secondary School, Pfutsero town nung senden ka mena liasü.
Iba senden nung yimtsüng shia nungi Village Council Chairman, Head GB, arogo balala nungi Pastor, VDB Secretaries, Town Colony Chairmen aser Colony GB tem dena liasü. Maneni iba senden nung Kalos Society Pfutsero, Mother’s Association Pfutsero, Pfutsero Town Youth Organization aser Pfutsero Town Welfare Committee amala civil society tema dena liasü.
Iba mapang Minister-i Medical department aser administration nem inverter, glove aser hand sanitizer agüja liasü.