Minister Longon-i NEBAOICON mungdang lapoktsü

Kohima, October 9 (TYO) : Hokolbar nungi anogo asemnü North Eastern Branch of Association of Otolaryngolists of India (NEBAOICON) 28 buba Annual Conference tenzükogo.
Iba sentong ya Nagaland State Branch of Association of Otolaryngolists of India-i Capital Convention Centre nung ayongzüka agir.
Anogo asemnü mungdang nung Mumbai nungi Padmashree Prof Emeritus Dr MV Kritane, Bangalore nungi Prog Dr Ashok aser Guwahati nungi Dr Kuddush Ahmed nungertemi o jembitsü.
Iba mungdang lapokba sentong nung tongti tesemdangerji Health & Family Welfare Minister, P Longon liasü.
“Medical Science ya wadang tulu ka lir aser anogoshia health care service tajungba agütsütsü atema inyaksangshir” ta P Longon-i o jembidang ashi.
“North East Region nung health facilities peria manguba yimtsüng tia nung aliba tesemtem aika lir. Iba ya state sorkartem atema khuret tulu kümogo anungji iba amai mungdang ayonga alidang mongin nisungtemi technology, medical aser allied health education amala lemsateptsü kanga nüngdak” ta paisa ashi.
Mungdang lapokba sentong nung NEBAOI tir, Dr Kuddush Ahmed-i okila jembi, Naga Hospital Authority Kohima nungi Nursing students-i ken ka aten, Organising Chairman NEBAOICON, Dr. Kedozeto-i tesentepertem pela agizük aser organising secretary Dr. R. Zhimatho Nyusou-i anküp tepela o jembi.