Minister Metsubo den ketdangsertemi Kohima nung tesem balala semdang

Kohima, Yimpoksüi/November 28 (TYO): State yimtiba, Kohima nung traffic timtem aser taruba Hornbill Festival dak sendakba nung local taxi parking den public transport garitem anena ayutsü atema tesem asadangtsü asoshi Urban Development & Municipal Affairs Minister, Metsubo Jamir den Administrator KMC, ADC Kohima aser ANTA President nungeri State Academy Hall, Old MLA Hostel aser Old Transport Office semdanga liasü, ta ketdangsertem osang ka ajanga metetdaktsü.
Item tesem semdangba mapang nung Minister Metsubo-i, yimti nung traffic jam kanga buluba aser gari anena ayudak maliba timtem ajanga nüburtemi timtem kanga ajangshidar, aser iba tebilemtsü atema lenmangji- yimti nung gari anena ayutsü asoshi (parking areas) ano tesem aika lemzüktsütsüla, ta metetdakja liasü.