Minister Metsübo Jamiri aitsür

Mokokchung, Aami/June 14 (TYO): Tawa Mokokchung nung arishi küm pungu (5) tetsür chanu ka dak tashiyim agi mapa tamajung inyakba osang angashia temulung kanga shiranger aser animesüngzükteter, anungji iba tashiyim mapaji khukhua aitsür, ta Minister Metsübo Jamiri sangdong ka ajanga metetdaktsüogo.
Paisa tetsürla aser lar kinungertem den temulungjang taroktiba agi nemjemba o lemsatepba den iba ama mulungzürep tia ka nung Tsüngremi tashi tasen, anisüngzük aser teimla agüjang ta sarasadema ashi. Aji oda, temzüngi melaba ama ochi obendang agütsütsü police dang ajungshir (urge), ta paisa shisem.