Minister P. Longon-i DH & CMO Longleng semdang

Dimapur, September 19 (TYO) : September 18, 2015 nü Health & Family Welfare minister, P. Longon den Commissioner & Secretary, M. Patton, Principal Director Dr. Nandira Changkija, Mission Director (NRHM) Dr. Sukhato A. Sema, Director (Health) Dr.N.M.Kithan aser Directorate of Health & Family Welfare Kohima nungi ketdangsertemi District Hospital aser Chief Medical Office, Longleng semdang.
Iba mapang Minister P. Longon-i ketdangsertem aser staff den district review meeting ka agi.
Timtem aser khurettem liaka pei lemzükba mapa nung nendaka inyaktsüla aser amalitepa alitsüla, ta Minister-i department nung inyakertem ayongzük aser pa alidang department nung temelenshi aser terenlok alitsü atema mapa inyaktsü ta paisa nangzük.
P Longon aser pa meina aoertemi Longleng nung NGOs aser Public Leaders den ajurutepa sensaksem aser District Hospital Longleng tasen yanglutsü aliba tesem semdang.
Iba mapang District Health Society, Administrative Officials, SP, Longleng, Phom People’s Council, Phomla Hoichem, Phom Student’s Conference aser Phom Baptist Church Association nungi lennirtemi Minister meiner ao.