Minister Paiwang-i TAIVT 2016 lapoktsü

Dimapur, January 8 (TYO) : January 8, 2016 nü Transport, Civil Aviation, IT&C Minister, P. Paiwang Konyak-i Tizit Area Inter-village tournament 2016 lapoktsüogo.
Iba asayamung ya local ground Tizit nung Tizit Area Students Union (TASU)-i ayongzüka agir.
Asayamung lapoktsüba mapang Paiwang-i shilem agirtem dang maongka ama agia tesüiba mapang iba tesem nung lennirtem tenüng ajungketjang ta ayongzük.
TASU-i iba asayamung ayongzükba ajanga lanur saisapongertem sempet tajungtiba nung amshitsü aser ajungkettsü ta Paiwang-i ashi aser paisa TASU nem tenüngsang agütsü.
Iba asayamung nung telok 28-i shilem agir aser anogo 10 nü asayamung nung kentenba aser wawamenü sentongtem alitsü.