Minister Pangnyu-i Lamhai Namdi yim semdang

Kohima, September 16 (TYO): September 14, 2019 nü Cabinet Sub-Committee Chairman, Pangnyu den züngsem ana Neiba Kronu aser Kashiho Sangtam nungeri Commissioner Nagaland, IGP Kohima, Peren aser Dimapur Districts nung Deputy Commissioners den külemi Lamhai Namdi Village semdangogo, ta ketdangsertem osang ka ajanga metetdaktsü.
Peren District nung lokti tentettemi Cabinet Sub-Committee nem temepishiba ka agüja Lamhai Namdi yim indang ochi bushitsü mepishi. Parnokisa traditional boundary medenibo Peren aser Dimapur district na tsüngda arrtsü malatsüla, ta shiogo.