Ministry of Defence-i Aeroshow sangdonger

Kohima, Rongjui/September 09 (TYO): Taruba küm Tsüklai/February 20 nungi 24, 2019 tashi Aero India 2019 sentong akatsü atema sorkari mulungtetogo. Anogo pungu tashi agitsü aliba air show sentong tulu nung aerospace aser defence industry den nüburtem longjema shilem agitsü. Iba show sentong nung alima tesem balala nungi lennirtem aser aero industry nung investor tulutem dak alia alima ajunga nungi yimtenren mesüra rongsenkettsüng tsütsü tesayuba tajung agütsür mongintem (think-tanks) aruagi shilem agitsü. Aviation industry nung terenlokba aser shishatsü tasentem den osangtem lemsateptsü atema iba show ajanga maongka tajung agütsütsü. India nung aviation industry tsütsü tajungshiba tajung agütsüba dak alaka sentong ajanga ano Make in India tali dang ajungmesotsü. Department of Defence Production-i taruba sentong takok ngua agitsü atema mulungtetta lir.