MIP-NSCN/GPRN-i NCD sangdong meyiptsür

Dimapur, July 08 (TYO) : Naga Council Dimapur (NCD)-i July 4, 2015 nü onoki saru indang sangdongba mangatetba atema sasa bilemer. Parnok dang iba sangdong terben zünger ang ola adoktsü asüngdanger ta MIP-NSCN/GPRN-i sangdong ka nung metetdaktsüogo.
Mapatong teinyaktsü ta züluba nungi talila bilemloka inyakertem ta mesüra tasüba agi merenshitsü ta meyipzükertem atema onoki sasa bilemtsür, ta MIP-NSCN/GPRN sangdong nungsa shia lir.
NCD-i “Ozü lennirtem amokmerenbaji Naga nungertemi magizüktsü” ta ashiba nung parnoki parnok lennirtem tenüng shia mali aser Naga nungertemi memetetba NCD lennirtem sülen anidaker ta asübaji temenünütsüka lir, ta MIP sangdong nungsa shia lir.
Parnokisa ashiba agi, yimtenren tashi amshinürtemi saru magütsütsü ajungmesoba telok nung NCD-a züngsema melira, parnoki yimya tajung amshitsü ta onoki imlar.
NSCN-i NCD dang nungi tenüng tajung indang kulikaket memeshir. Naga nunger pei sasa telemtetba agia liyonga aotsü atema temeten meshia raratsü tenzüker küm 70 dak tema, saka Naga nunger ta ajaba NCD purbo yashi ang Naga yimten ken o atema tenük lapok ama jembir.
“Naga nunger mulungtet teloktemi Naga yimten ken o atema inyakba maparen asoshi sen tarulen shibangtsütsü atema kanga meranga inyakba nisungtem nem teyari agütsübaji nüngdak mali aser iba inyakyim jagi parnok jenjang raksar,” ta MIP-NSCN/GPRN sangdong ajanga metetdaktsüogo.