Miranda-i tetsür kentener atema scholarship mapatong tentettsüogo

Nashville, July 29 (Agencies): Nüngtugu kentener, Miranda Lambert-i tetsürtem indang taküm jenjang tajungba kümdaktsütsü nükjidong nung tetemsü tetsür kaketshir nem scholarship agütsütsü mapatong tasen ka Belmont University nung tenzüktsüogo.
Taoba mapang ‘Country Music female vocalist of the year’ Academy sempet 6 tashi agizükla, Miranda-i lar Miranda Lambert Women Creators Fund (MLWCF) senpong nung inoktsütsü nükjidong nung Tennessee kübok Nashville nung kenten sentong ka yashi, Mongolbar nü ayonga agi.
La kinungbo, Blake Shelton den taoba hopta balala, Lambert-i kenzülur, Natalie Hemby o Jessi Alexander na aser kentener, Raelynn, Clare Dunn aser Courtney Cole nunger densema tongti tetsür kentenertem ayonger külen tarutsü mapang nunga yashi agiba amala kenten sentong balala ayonga MLWCF atema sen bendentsü sentong renema lir.
Lambert-i tan tentetba MLWCF senpong nungi Belmont University kübok Mike Curb College of Entertainment & Music Business tangazükba agir tetemsü tetsür kaketshir nem dollar sen 40,000 tashi scholarship ama agütsütsü renemogo.