Mirza o Hingis na Australian Open final-i iogo

Melbourne, January 27 (Agencies): Tetsür doubles World No.1, India tsür Sania Mirza aser Switzerland tsür, Martina Hingis nati semifinal asaya nung takok ngua 2016 Australian Open tetsür doubles shilem indang final asayatsü jenjang tanü Bodbar nü ajangzükogo.
Mirza o Hingis nati minute 54 nung points 6-1, 6-0 ngua tan asayamong nung 13 buba jenjang abener, Germany tsür, Julia Goerges aser Czech Republic tsür, Karolina Pliskova na ayong ayonga tsükdaktsü.
Tan agi asaya 35 buba atonga akoker, Mirza o Hingis nati tan asayamong nung 7 buba jenjang abener Czech Republic tsür, Andrea Hlavackova o Lucie Hradecka na den final asayatsü.
Ano külen, Britain nunger Andy Murray-ia ghonda 3 ser minute 20 nung points 6-3, 6-7 (5/7), 6-2, 6-3 ngua Spain nunger David Ferrer tsüdaktsüba sülen Canada nunger Milos Raonic den semifinal asayatsü jenjang tanü nguogo.
Raonic-ia points 6-3, 3-6, 6-3, 6-4 ngua France nunger Gael Monfils tsükdaktsüba sülen tan mezüngsüa Australian Open semifinal asayatsü jenjang ajangzük.