Mirza o Hingis na Guangzhou Open final asayatsü

Guangzhou, September 25 (Agencies): India tsür, Sania Mirza aser la den külemi asayala, Switzerland tsür, Martina Hingis nati semifinal asaya akokba sülen tang tasayadak Guangzhou Open asayamong tetsür doubles shilem indang final asayatsü jenjang tanü Hokolbar nü ajangzükogo.
Tang temaba jenjang nung alir Mirza o Hingis nati tanü ghonda 1 ser minute 12 nung points 6-3, 6-4 ngua Israel tsür, Julia Glushko aser Sweden tsür, Rebecca Peterson na semifinal asaya nung tsükdaktsü.
2015 US Open tetsür doubles shilem indang takok marok agizüker, Mirza o Hingis nati break points 2 tashi ajangzüka tanü mezüngbuba set-ji ayong ayonga akok.
Julia o Rebecca natia break points 2 tashi ngua tanabuba set nung kanga meranga asayatsü tenzük saka Mirza o Hingis nati tajungba asayaba yong tenati tanabuba set-ji koka tanü asayaji kokadok.

You must be logged in to post a comment Login