Mirza o Hingis na Guangzhou Open semifinal tongogo

Guangzhou, September 24 (Agencies): India’er tetsür tennis asayar mongin, Sania Mirza aser la den külemi asayala, Switzerland tsür Martina Hingis nati quarterfinal asaya koka tang China anülulentip tsütsü Guangzhou nung tasayadak Guangzhou Open tetsür doubles shilem indang semifinal asayatsü jenjang tanü Brehostibar nü ajangzükogo.
Tang temaba jenjang nung alir Mirza o Hingis nati tanü ghonda 1 ser minute 5 nung points 6-2, 6-3 ngua Germany tsür Anna-Lena Friedsam aser Romania tsür Monica Niculescu na quarterfinal asaya nung tsükdaktsü.
2015 US Open champions, Mirza o Hingis nati Isreal tsür Julia Glushko aser Sweden tsür Rebecca Peterson na den asüng, Hokolbar nü semifinal asayatsü lemzüka lir.