Mirza o Hingis na tanga temaba jenjang nung lir

New Delhi, May 10 (Agencies): India tsür, Sania Mirza aser Switzerland tsür, Martina Hingis napronglai ajak agi points 12045 ajangzüka tetsür tennis doubles asayar tarensen nung tangasa temaba jenjang nung aliba osang jangjaogo.
Tawa tembangba Madrid Open tetsür doubles final nung tamakok angur, Mirza o Hingis nati aroki lungjemer asayatsü tenzükba sülen tanü tashi nung Grand Slam takok marok 3 tashi agizüka lir.
Yaküm, 2015 küma tenati ajak agi takok marok 9 tashi agizüka liasü.
Ano külen, tetsür singles asayar tarensen nung America tsür, Serena Williams-i maneni temaba jenjang abenba osanga angazükogo.
Serena sülen anidaka, Germany tsür, Angelique Kerber aser Poland tsür, Agnieszka Radwanska na tanabuba aser tasembuba jenjang nung lir.
Spain tsür, Garbine Muguruza; Romania tsür, Simona Halep; Belarus tsür, Victoria Azarenka aser Italy tsür, Roberta Vinci nungera 4 buba, 5 buba, 6 buba aser 7 buba jenjang nung aliba osang jangjaogo.
Tesüsaba tetsür singles asayar tarensen top 5 yamai lir:
1. Serena Williams (America) 8,235 points
2. Angelique Kerber (Germany) 5,740
3. Agnieszka Radwanska (Poland) 5,665
4. Garbine Muguruza (Spain) 4,847
5. Simona Halep (Romania) 4,650