Mirza o Hingis nati Brisbane International takok marok agizükogo

Sania Mirza aser Martina Hingis nati final asaya akokba sülen Brisbane International asayamong tetsür doubles shilem indang takok marok amer agiba noksa nung angur. (Brisbane, January 09)

Brisbane, January 09 (Agencies): India tsür Sania Mirza aser Switzerland tsür Martina Hingis nati Brisbane International tetsür doubles takok marok tanü, Honibar nü agizükogo.
Tetsür doubles World No. 1, Mirza o Hingis nati tanü points 7-5, 6-1 ngua Germany tsür, Angelique Kerber o Andrea Petkovic na final asaya nung tsüdakja takok marokji agizük.
Mirza o Hingis nati tan agi asaya 26 buba atonga koka taküm, 2016 küma takokba nung tenzüker lir.
Tenati mezüngbuba set indang tanabuba asaya nung breakpoint mezüngsüa ngua asaya saka Kerber o Petkovic nati asaya 4 tashi atonga koka points 4-2 ngua temaba jenjang angu.
Ajisüaka, Saina o Mirza nati points 4-4 ngua kasa jenjang kümdakja asayaba sülen points 7-5 ngua mezüngbuba set-ji kokadok.
Tanabuba set nunga Mirza o Hingis nati tanabuba asaya nung breakpoint ngua points 3-0 agi temaba jenjang nung asayatsü tenzük aser tesülen points 6-1 ngua tanabuba set-a koka final asaya akok.
Mirza o Hingis nati tan agi tongti asayamong takok marok 6 buba atonga agizüker lir.
Ano külen, Belarus tsür, Victoria Azarenka-i Germany tsür, Angelique Kerber madak final asaya koka tetsür singles shilem indang takok marok tanü agizükogo.
Tesüiba World No. 1, Azarenka-i tanü points 6-3 6-1 agi Kerber tsükdakja takok marokji angu.