Mirza o Hingis nati Wuhan Open tetsür doubles takok marok agizükogo

Switzerland tsür, Martina Hingis (Achijilen) aser India tsür, Sania Mirza nati final asaya akokba sülen China kübok Wuhan nung ayongba 2015 WTA Wuhan Open Tennis asayamong tetsür doubles shilem indang takok marok amer agiba noksa ka yangi angur. (Wuhan, October 03)

Wuhan, October 03 (Agencies): India tsür, Sania Mirza aser Switzerland tsür, Martina Hingis nati final asaya koka Wuhan Open tetsür doubles shilem indang takok marok tanü Honibar nü agizükogo.

Mirza o Hingis nati tanü points 6-2, 6-3 ngua Romania tsür Irina Camelia-Begu aser Monica Niculescu na final asaya nung ayong ayonga tsükdaktsü.

Temaba jenjang nung alir, Mirza o Hingis nati Indian Wells, Miami, Charleston, Wimbledon, US Open, Guangzhou aser Wuhan densema taküm küm tenzüker tanü tashi nung doubles shilem indang takok marok 7 buba agizüker lir.

Ano külen, America tsür, Venus Williams-i Spain tsür, Garbine Muguruza madak final asaya koka tetsür singles shilem indang takok marok tanü agizüka liasü.

Venus-i mezüngbuba set akokba sülen tanabuba set asayatsü tenzüker minute 53 buba nung Muguruza yirua asaya tembanga shilem magitettsüsa akümba yong Venus-i tanü final asayatsü koka liasü.

Arishi küm 35 tain Venus-i tan agizükba ya densema tennis asayatsü tenzüker tanü tashi nung takok marok 47 buba agizüker lir.

Venus-i tan takok anguba sülen tetsür WTA asayar tarensen nung asayar 20 buba akümtsü jenjang tajung angur lir.