Mirza o Strycova na Pan Pacific Open 2 buba round-i iogo

Tokyo, September 20 (Agencies): India’er tetsür tennis asayar, Sania Mirza aser Czech Republic tsür, Barbora Strycova nati par 1 buba round asaya akokba sülen tang tasayadak Toray Pan Pacific Open tetsür doubles 2 buba round asayatsü jenjang tanü, Mongolbar nü nguogo.
Mirza o Strycova nati tanü ghonda 2 tashi asayaba sülen points 6-7(3) 7-5 10-8  agi Japan tsür, Misaki Doi o Kurumi Nara na 1 buba round nung tsükdaktsü.
Switzerland tsür, Martina Hingis den taoba ita 14 tashi külemi lungjemer asayabaren toktsüba sülen Mirza-i Strycova den aroki lungjemer asayatsü tenzük aser tenati taoba August ita Cincinnati Open takok marok agizüka aroki lungjemer mezüngsüa takok marok agizükba otsü yanglua liasü.