Mirza o Strycova na Pan Pacific Open final-i iogo

Tokyo, September 23 (Agencies): India tsür, Sania Mirza aser la den külemi asayala, Czech Republic tsür, Barbora Strycova nati takok ngua, tang tasayadak Pan Pacific Open tetsür doubles final ayayatsü jenjang tanü, Hokolbar nü ajangzükogo.
Mirza o Strycova nati tanü minute 48 nung points 4-6, 6-3, 10-5 ngua Canada tsür, Gabriel Dabrowski aser Spain tsür, Maria Jose Martinez Sanchez na semifinal asaya nung tsükdaktsü.
Tan asayamong nung 2 buba jenjang abener, Mirza o Strycova nati China tsür, Chen Liang aser Zhaoxuan Yang na den final asayatsü.
Liang o Yang natia tanü points 4-6, 6-2, 10-5 agi America tsür, Raquel Atawo aser Abigail Spears na tanabuba semifinal asaya nung tsükdakja liasü.
Ano külen, defending champion, Agnieszka Radwanska-i Puerto Rica tsür, Monica Puig madak takok ngua tetsür singles semifinal-i tanü aiba osang jangjaogo.
Arishi küm 27 tain Poland tsür, Radwanska-i tanü ghonda 1 ser minute 16 nung winner 16 aser ace 8 tashi yangluba sülen points 6-2 6-3 ngua, Puig madak takok angu.
World No. 4, Radwanska-i Denmark tsür, Caroline Wozniacki den semifinal nung ajuruteptsü.
Wozniacki-ia tanü points 6-4 6-3 agi Poland tsür, Magda Linette quarterfinal asaya nung tsükdakja liasü.
Japan tsür, Naomi Osaka-ia points 6-3 7-6(6) agi Belarus tsür, Aliaksandra Sasnovich tsükdaktsüba sülen Ukraine tsür, Elina Svitolina den semifinal asayatsü lemzükogo.
Svitolina-i points 6-2 4-6 6-3 agi World No. 3, Spain tsür, Garbine Muguruza par quarterfinal asaya nung tsükdakja semifinal asayatsü jenjang angu.