New Delhi, May 16 (Agencies): Taoba Delhi Minister Kapil Mishra-i lumiba anenba sülen anogo ka lir CBI tsüngdang Delhi Chief Minister Arvind Kejriwal anema kulitem agütsü.
Delhi chief minister aser AAP MLA 2 anema pai kulitem agütsüogo ta Mishra-i ashi.
“Linük nung yimtenren inyakyim nung ochimashi anema raratsü ta sür nisung kati tenangzükba agia mapa inyaktsü tenzük. Pai tenla bendenba sen amshia election nung tokteptsü ta ashi saka tanü pai ochimashi inyakba jungkai adokogo. Pai ozüng alema amshiba sen ajanga AAP ketdangsütsü merang” ta Mishra-i osangbener dang ashi.
Kejriwal aser AAP-i senostsü ochimashi amshi aser taila company tem ajanga sen benden, ta May 14, 2017 nü Mishra-i tai tongloktsü.
Mishra-i CBI nem Kejriwal anema kulitem agütsü added by nungsang on
View all posts by nungsang →
You must be logged in to post a comment Login