Miss Ao 2018 tetoktepba nung Imnanaro-i takok korang angu

Mokokchung, Rongjui/September 08 (TYO): Mokokchung jila kübok Town Hall nung Rongjui 07, 2018 nüNagaland kübok aliba district ajak nungi Miss Ao 2018 tetoktepba nung parnok nisung 12 agi shilem agia liasü. Iba tetoktepba sentong nung Kongru. Imnanaro-i takok korang nguogo.
Iba sentong nungsa Kongru. Satempokla aser Kongru. Bendangkokla nati first aser second runners-up jenjang nung takok angu.
Miss Ao beauty pageant edition tanabuba ya Lodestar-i ayongzüka agia liasü.
Kongru. Jongpongnenla-i ‘Best ethic wear’ jenjang, Kongru. Imnanaro-i ‘Organizer Choice’ jenjang, Kongru. Satempokla nem ‘Best Personality’ aser Best Walk jenjang Kongru. Bendangkokla nem agütsü.
Miss Ao 2018 tetoktepba sentong nung Alemla Chungtia-i design asüba tula suoshi semoker contestant ajaki traditional wear, ethnic wear aser gown round asem tashi nung shilem agia toktepa liasü. Sentong nung Sasongdangba Yaden official choreographer liasü aser tetendanger tem Watsu Mungdang tir, Maonginla aser Miss Heritage International India 2015, National Director, Alempokba na liasü.