Miss Dimapur 2017 atema tokteptsü jangrartem tenüng meshir

Dimapur, October 02 (TYO): Miss Dimapur pageant nung shilem agitsü jangrartem registration October 10, 2017 nü IMC reception hall, Dimapur nung anüngdang 11:30 ako nungi nikongdang 1:30 ako tsüngda agitsü, aser forms agütsütsü atema tatembangbuba anogojia iba anogosa asütsü, anungji tejangrartemi pei indang Biodata aser passport ka den ‘full length photo’ bener arutsü metetdaktsür, ta tanü tayongertemi sangdong ka ajanga metetdaktsü.
2017 küm atema Miss Dimapur tetoktepbaji “Clean Election campaign, Make Voting a Fashion statement” omen nung ajemdaker akatsü.
Iba sentong dak sendakba nung ‘Beauty and Hair’ indang Special Skill Training course tatsüka agütsütsü aser Certificates agütsütsü.
Hopta ka piyong training agiba mapang nung saisapong dak sendakba shilem agutsütsü aser iba atemaji temeja sempet balala den final show atemaka points agütsütsü.
“Essence of a woman” nung rangloker o lemtepba sülen EGoN Officials-i, tetsürtem aikati iba tetoktepba nung shilem agitsü maongka angutsü aser angati training agitsü maongka angutsü atema tar tasazük ajema kümja- tar tasazükji feet 5 ser inch 3 ser tema asütsü lemtet.
Iba tetoktepba nung shilem agitsüpurtemji arishi küm 18-23 tsüngda aiürtem asütsüla, iba den külemi parnoki tasoba anogo kulikaket (birth certificate) mesüra pei tasoba anogo kuli aketba card mashie agütsütsü akok.
Takokertem dak alia tanga subtitles rongnung Most Photogenic 2017, Miss Catwalk, Miss Congeniality, Style Icon 2017, Miss Fitness Icon, EGoN Fresh Face aser Best Ethnic Wear densema lir.
Osang taliba metetpelatsü atema phone number 91 8837212765 (M) mesüra egon.dimapur@gmail.com ajanga tongteprateptsü akok, ta tayongertemisa metetdaktsü.