Miss Georgia Betty Cantrell-i Miss America 2016 takok nguogo

Los Angeles, September 14 (Agencies) : Deobar aonung Atlantic City nung Miss Georgia Betty Cantrell-i Miss America 2016 takok korang nguogo.

Tetokteper 52 rongnungi Betty Cantrell-i mezüngbuba takok angu aser yaküm takok angur New York tsür Kira Kazantsev ket nungi takok korang agizük.

Miss America 2016 tetoktepba nung tanabuba jenjang nung Miss Colorado Kelley Johnson aser tasembuba jenjang nung Miss Louisiana April Nelson nati takok angu.

Iba tetoktepba nung tetendangertemji Danica McKellar, Zendaya Coleman, Kevin O’Leary, Amy Purdy, Brett Eldredge aser Taya Kyle nungertem liasü.

Tetoktepertem rongnung tekolakji Vanessa Williams liasü aser lai “Oh how the years go by” ken tena sentong lapok aser Chris Harrison o Brooke Burke-Charvet nati sentong len ani.