Miss Mokokchung 2019 – ‘the talents of the beauties’

Miss Mokokchung 2019 nung toktepertem ‘the talents of the beauties’ ta sür sempet sayuba sentong ka Nov 15 nü Mokokchung nung tawa lapokba Urban Hub restaurant nung akaba mapang tangokba noksa nung angur. Tetokteper parnok 13-i pei dak aketba sempet tapu balala sayua liasü. Iba sentong nung Arsashi Ozüküm aser Burchiba na tetendanger liasü. Taküm omen “Empowering beauty” nung ajemdaker Mokokchung District Art & Culture Council  akhüm nung ‘Forerunners’ teloki ayonger aser Miss Mokokchung shimba sentongji Nov 19 aonung 6:00 ako nungi tenzüka Mokokchung town hall nung akatsü.