‘Miss Phom 2017 contest’ Grooming Session September 29, 2017 nü agitsü

Dimapur, September 22 (TYO): Miss Phom 2017 contest atema grooming session September 29, 2017 nü Longleng district nung “Beauty to inspire” omen nung ajemdaker agitsü; Iba sentong ya September 22, 2017 nü Tourist Lodge Dimapur nung tenzüka liasü.
“Miss Phom 2017” organizing committee-i grooming session nung shisalen sayutsü atema nüngtugu model, Esther Jamir, musician Nise Meruno, designer Bambi Kevichusa aser Miss Nagaland 2016 Vilokali Zhimomi nunger ayongsemogo; kasa sentong nung choreographer ji, Toshizen aser mentor ji taoba mapang Miss Dimapur, Avi Kechu asütsü.
Takümbo subtitle tasen ‘Viewer’s choice award’ alitsü aser ibaji “Miss Phom 2017” Facebook page ajanga shimtsü. Contestant temi parnok noksa Facebook page nung load asütsü aser nüburtemi “Miss Phom 2017” page nungji contestant ka shima ‘like’ asüba nung ajemdaker ‘likes’ timtibai iba sempet angutsü. Iba voting ya September 28, 2017 aonung 12:00 ako tashi agitsü.