Miss Spain-i Miss World takok korang angu

Sanya, China, December 19 (Agencies) : Honibar aonung China kübok Sanya asetkong nung Miss World 2015 tetoktepba nung Spain tsür Mireia Lalaguna Royo-i takok korang angu.
Taküm tetoktepba nung Russia tsür Sofia Nikitchuk-i tanabuba jenjang aser Indonesia tsür Maria Harfanti-i tasembuba jenjang takoktem ngua liasü.
Taküm tetokteper ajak agi parnok tetsür 114 liasü aser ajak madak Miss Spain Mireia Lalaguna Royo-i mezüngbuba jenjang takok angu. Spain tsür kati Miss World takok korang angubaji tan mezüngbuba lir.
Arishi küm 23 tain Lalaguna ya Barcelona nungi model ka lir aser la pharmacology nung degree ngua lir. Lai maneni Nutrition nung Master’s degree angutsü atema merangtsü, ta ashi.