Missionary school kima grenade angu

Imphal, April 23 (Agencies): Manipur yimtiba Imphal nung missionary school ka kishi anasa hand grenade ka angu.
School ji Lamphel tesem nung lir aser Manipur Police nungi bomb disposal squad kati grenade ji raksa endok.
Yashinep 8:00 ako meta joggers-i school gate anasa grenade yuja alibaji angu aser iba sülen onok nem osang sangoktsü, ta police ketdangser kati ashi.
Osang angashili bomb squad den Army tesem tonga ao aser bomb ji raksa endok.
Iba mapang lendong nungi jenbua ayutsü atema vehicular traffic ghonda tesadang ka shibanga liasü, ta police ketdangserisa shisem.