Mitelephe nung VAC sentong agi

Kohima, March 2 (TYO): DPDB, Kohima kübok 14buba Southern Angami, Village Adoption Committee (VAC) sentong March 2 nü Mitelephe nung tembanga agiogo.
Iba sentong nung medical camp ka, yimtsüng nung solar lights inokba asaer teintet sensotem nem blankets lema agutsüba densema liasü.
Iba dak alia VAC züngsemtem nem awareness sentong balala katsü, item rongnung arem wazüka ayuba, lanur terenlok, yimtsüng resources, ali aser tzü management, health aser merükmeju, community development, school ketdangsübaren onüktem densema liasü.
Tatembangbuba sentong nung Convenor Er. Vizotuo EE (R & B) South-i VAC indang metetdaktsü, DFO Kohima Rongsenlemla Imchen-i VAC-i inyakba mapa balala aser nükjidongtem metetdaktsü aser SDO Jakhama, Alemyapang Longchar-i yimtsüng ketdangsübaren nung yimsüsürtem shilem indang lemsatepa liasü.