Mizo IAS kati Mizoram CEO inyaktsü

Aizawl, Yimpoksüi (November) 12 (Agencies): Mizoram nung Chief Electoral Officer (CEO) SB Shashank agienba sülen Election Commission of India (ECI)-i Mizo IAS ketdangser tejentem rongnung ka shimnür.
Iba atema ECI-i Mizoram chief secretary dang nungi teyari meshi aser iba nung ajemdaker CEO tasen shimtsü atema Mizoram nungi senior IAS officers 3 indang tenüng agütsüogo ta sorkar osang ka ajanga ashi.
Ajisüaka, Hombarnü ECI-i Mizoram sorkar dang Chief Election Officer shimtsü atema ano nisung ana tenüng agütsütsü osang sangoktsü.
Mizoram nung CEO shimtsü atema tenüng agütsürtemji- Lalhmingthanga, H Lalengmawia aser K Lalthawmmawia nungertem lir.
Mizoram Election department nung ketdangser kati ashiba agi par asem rongnung tejentiba Lalhmingthanga CEO tasen shimtsü akok.