Mizo nunger journalist Robert Lal Chhuana süogo

Aizawl, January 21 (Agencies) : Mizoram nung journalist tejen aser Mizoram Journalist Association (MJA) nung tir kümsük tenetben tashi inyakba Robert Lal Chhuana temulungjang nung timtem ka adoka alima nungi pilaogo.

Asür Robert arishi küm 76 nung lia Bodbarnü Siphhir nung par kidang asü.

Asür Robert-i 1973 küm ‘Hruaina Eng’ ta ser Mizo oshi nung osangkaket ka adoktsü tenzük aser iba sülen ‘Romei’ ta ser anogoshia adokba osangkaket tenzük. Tesüiba küm pezü tashi pa Alzheimer aser temulung shirang ajanga timtema aru.

Yashinep pa metsümeshidak nungi adokba sülen temang nung timtem adoka tango sadem. Pai pa kinungtsü aser tanur pezü toktsür iba lima toktsür ao.

Mizoram sorkari tetuyuba agütsüba ama Robert-i India tesem balala semdanga senzüogo. 2003 küm Robert-i taoba Prime Minister Atal Bihari Vajpayee den Pakistan nung SAARC summit nung aden.

Mizoram Journalists’ Association aser Congress party youth wing nungeri anir Robert asüba atema mangyimba osangtem metetdaktsüogo.