Mizo nunger kaketshir ana sür lia ngutet

Guwahati, May 28 (Agencies): Kanga dang tia maka tatalokba ka nung Assam Down Town University nung azünger kaketshir ana Guwahati yimti kinüklen Panikhaiti tesem nung railway track nung sür lia ngutetogo.
Tasüsang ana ya Mizoram nunger R Lalnalsawma aser C Lalmangmai Changa ta jangjaogo. Tena ya University nungji küm ana Diploma course ka agia liasü.
Police aser local temi ashiba agi, tana ya train agi tsükset südi.
“Tasümangji railway track anasa ngutet. Dena ya train agi tsükset südi,” ta idakji alir kati ashi. Iba ken o dak sendakba nung police-i bushisüngdang tenzükogo.