Mizoram Angh-i NEC semdang

Aizawl, April 03 (Agencies): Mizoram Angh, Lieutenant General (Retd.) Nirbhay Sharma, H.E-i April 03, 2017 nü North Eastern Council (NEC) semdanga NEC züngsem C.K.Das, Secretary, Ram Muivah aser ketdangsertem den senden ka mena liasü.
NEC secretary, Ram Muivah-i Angh pelaa agizükba den külemi power point presentation ka ajanga NEC-i inyakba mapatem indang metetdaktsü. Angh-ia NEC terenlok atema iba tentet indang shilemtem metetdaktsü.
Iba senden nung C.H. Kharshiing, Planning Adviser, G. K. Chin, Financial Adviser, D. Khound, Economic Adviser, NEC, Dr. S. Choudhury, MD, NERCORMP aser NEC nung tongti ketdangsertem den Mizoram sorkar Deputy Resident Commissioner-a dena liasü.