Mizoram Arogo lenirtemi yoga nokdanger

Aizawl, June 7 (Agencies) : Mizoram nung Arogo tulu 13 nung lenirtemi arogopurtem dang yoga maitsü temepishiba ka agütsüogo.
Mizoram Kohhran Hruaitute Committee (MKHC) nung lennir aser Mizoram Synod of Presbyterian Church nung senior executive secretary, Rev Lalramliana Pachuau-i, yoga ajanga Khristan tesayuba anisatsü anungji MKHC kübok aliba Arogotem ajaki pei arogopurtem dang kümdanga alitsü shiang, ta metetdaktsü.
“MKHC-i yoga ya Khristan tamangba aser tesayuba anemer ka ama bilemer,” ta pai ashi.
Ajisüaka sorkari yoga benshiba atemabo Pachuau-i kecha mashi kechiba süra sorkaribo tamangba yimsü kecha mebendanger.
Synod office nung June 2, 2016 nü MKHC senden amenba mapang iba tebilemtsü ya benoka jembi, ta paisa metetdaktsü.
“Senden nung onoki yoga ya Hindu tamangba den sentaktepa lir anungji Khristan tamangba yimsü den memeyokteptsü jembi,” ta Pachuau-isa shisem.
Pachuau-i, “Yoga exercise tem ajanga manem karbo ajunger asütsü akok ajisüaka Khristan ka atema iba taneptsüji Yisui maneni aneptsüba matoksa,” ta ashidang pai, yoga ajanga Khristan pur Hindu tamangba dangi meyipdaktsütsü inyaker asütsüa shibai metet, ta shisem.