Mizoram arogotemi CAB 2016 anema sarasadem

Aizawl, February 11 (Agencies): Rajya Sabha nung Citizenship (Amendment) Bill magizükdaktsütsü atema Mizoram nung arogotemi lokti sarasadem mapang agi.
Honibar aonung denominations balala nungi arogo 16 züngsemtemi sarasadem sentongtem nung shilem agi, ta Presbyterian church nungi Mizoram Synod-i osang metetdaktsü.
Mizoram nung arogo tulutem nungi lennirtemi tentetba Mizoram Kohhran Hruaitute Committee (MKHC)-i mepishiba nung ajemdaker iba sentong agi. Parnoki arogotem dang Rajya Sabha nung Citizenship (Amendment) Bill, 2016 tagizükdaktsü ta sarasademtsü ayongzük.
MKHC-i taoba mapang züngsemtem dang February 16 aonung lokti sarasademtsü atema mepishia liasü, saka Hokokbarnü February 9 mesüra February 10 nung iba sentong agitsü atema sangdong tasen ka agütsü .
Iba Bill nung Mizoram aser Khristantem atema lendong keta lir, ta MKHC-i ashir.
“Iba amendment bill agizükba ajanga tamangba yimsü nüjiso azüoktsü akok aser iba Bill ya secularism tangatetba anema lir” ta MKHC-isa metetdaktsü.