Mizoram arrtsü anasa AR-i bomb raksa endok

Aizawl, Tsüklai 16 (Agencies): Nagaland nungi Assam Rifles bomb disposal mongintemi Mizoram-Myanmar arrtsü anasa bomb tem puteta raksa endokogo.
Lawngtlai district kübok Pillar 1 aser Pillar 11 tsüngda tesem nungi bomb ji takok ngua raksa endokogo, ta Assam Rifles ketdangsertemi metetdaktsü.
Yimdaklirtemi bomb rema aliba nung memeti ajemshia apokdang nisung aika yiruogo aser tang tesüsaba yirusangji Jitua Tongchongya lir.
Tentonü pa yiru aser tang Lawngtlai district hospital nung anepaludar.
Tesüiba mapang Assam Rifles-i arrtsü anasa alirtem aremleni mashie maotsü atema tekümdangtsü metetdaktsü. Arrtsü anasa Arakan telungpurtem mesüra Myanmar Army temi bomb rema yuja alitsü akok ta parnoki ashi.
Ita ishika Myanmar Army-i Myanmar arrtsülen Arakan Army (AA) anema mapa inyaka arur aser ibaji ajanga Myanmar nung Chin State nung refugee 2,000 jungnüa Mizoram nung arua jenokogo.
Aenjeti 19, 2018 nü Kawnkhaw yimer arishi küm 37 Khusomo asü. La ya landmine ka apokdang yiruba sülen asü.
Yaküm, Yimpoksüi ita arishi küm 20 tain Robichondro injang ka agi yiru aser Aenjeti 12 nü Myanmar Army-i Bru nunger Monondo (67) dak injang khaloktsü.