Mizoram aser Delhi na nung menoknok anok

Delhi, Jan. 18 (Agencies): Bodhbarnü New Delhi nung anepdang 7:16 ako shi nung menoknok tasadangba 3.0 magnitude nung anokogo, ta osang ka ajanga metetdaktsü. Osangbenertemi ashiba agi, kesa mapang nungsa Aizawl yimti dena Mizoram state ajunga nunga 3.7 magnitude nung menoknok anokbaji metet.
Mongolbarnü Karachi tesem balala nung menoknok tasadangba nung 3.6 Richter scale nung anok.
MeT office ajanga ashiba agi, Karachi tiyongtsü ser Gulshan-i-Iqbal tesem nung anepdang 10:45 ako nung ali telunglen kilometer 12 irr, 3.6 magnitude nung menoknok anok. Menoknok second 12 shi anok saka nisung asüba aser kiojen raksaba osang mali. Nüburtem aika ki aser office tem nungi aoksar adok, ta kasa osang ajanga ashi.
Pakistan Meteorological Department (PMD) ketdangsertemi ashiba agi, iba menoknokji University of Karachi campus meketa aliba tesemtem nung tali metet.
NED University nung azüngertem class takdang nungi adokadok, ta Pakistan Meteorological Department (PMD) ketdangsertemi ashi.